Qırımda bir kün devamında 14 qaza yüz berdi: üç insan elâk oldı

16.02.201711:15394
дтп_крым_0

Fevral 15-te Qırımda 14 qaza yüz berdi, neticede üç insan elâk oldı, 14 kişi yaralandı.

Bu aqta Qırım Yol areketi havfsızlığı devlet inspektsiyasınıñ matbuat hızmeti bildire. Müessiseniñ malümatına binaen, vaqialarnıñ çoqusında aydayıcılar taylaq yollarda maşnanı idare etip olamadı.

Aqmescit (Simferopol) rayonında saat 4:40-ta VAZ-21140 avtomobili qarşı taraf yoluna çıqtı ve o yerde VAZ-21063 maşnasınen çatıştı. Birinci VAZ maşnasınıñ aydayıcısı miy sarsuvını aldı.

Aluştada saat 7:40-ta VAZ-2106 avtomobili havfsız suratqa keçmedi, burulışta maşnanı idare etip olamadı, o qarşı taraf yoluna çıqtı ve o yerde ZİL maşnasınen çatıştı. VAZ aydayıcısı yaralandı, yolcusı miy sarsuvı ve burun yarasını aldı.

Aqmescit rayonında saat 7:45-te Hyundai Grand Starex avtomobiliniñ aydayıcısı maşnanı idare etip olamadı. Maşna yol kenarına çıqtı ve avdarıldı. Aydayıcı ve yolcu qapalı qafa-miy yaralarını aldı.

Aqmescitte saat 7:45-te BAZ avtobusınıñ aydayıcısı havfsız mesafe tutmayıp, ögde ketken Chevrolet Lacetti maşnasına uruldı. Avtomobil yolcusı yaralandı.

Aqmescit rayonında saat 8:05-te Chevrolet Aveo aydayıcısı havfsız suratqa keçmedi, maşna qarşı taraf yoluna çıqtı ve o yerde Nissan avtomobilinen çatıştı. Birinci maşnanıñ yolcusı yaralandı.

Yaltada saat 8:10-da VAZ-21061 avtomobiliniñ aydayıcısı yol vaziyetini köz ögüne almayıp, qarşı taraf yoluna çıqtı ve o yerde Kia Rio ile çatıştı. Ekinci maşnada bulunğan 14 yaşındaki oğlan miy sarsuvı ve yüz yaralarını aldı.

Qurman rayonında Hyundai Solaris aydayıcısı maşnanı aydap olamadı, ve qarşı taraf yolunda avtomobil VAZ-2107 maşnasınen çatıştı. VAZ yolcusı yaralandı.

Aqmescit rayonında saat 8:30-da Hyundai Accent avtomobiliniñ aydayıcısı havfsız suratqa keçmedi, ve qarşı taraf yolunda Volkswagen LT-35 maşnasınen çatıştı. Volkswagen avtomobiliniñ yolcusı yaralandı, Hyundai Accent qadın aydayıcısı elâk oldı.

дтп_крым_2 дтп_крым_3 дтп_крым_5

дтп_крым_1

Telegramda kanalımızğa qoşulıñız ve eñ aktual ve meraqlı malümatlardan haberdar oluñız

Редакция AVDET

Author: Редакция AVDET

Avdet gazetası