Krasnoperekopsk ya da Or Qapı?

17.02.201716:08213
красноперекопск

Krasnoperekopsk şeerine sıq-sıq Or Qapı, Or Qapu ya da Or dep aytıla, amma bu yañlıştır.

Krasnoperekopsk şeeri 1932 senesi peyda oldı ve o vaqıttan berli bu adnı taşığan edi. Or Qapı – bu başqa bir şeer: Krasnoperekopsk degil de, Perekop. Perekop şeeri – Qırım hanlığınıñ şimaliy qapısı ve Tavriya guberniyası uyezdiniñ merkezi – 1920 senesi Vrangelniñ Rusiye Ordusı ve komandarm Frunzeniñ qırmızı ordusı arasındaki uruşlar vaqtında bütünley viran etildi. Vatandaş cenki bitken soñ oñı yañıdan qurmadılar, bunıñ içün şimdiki vaqıtta Perekop bulunğan yerde aynı adlı Perekop köyü yerleşe. Bu köy Ermeni Bazar (Armânsk) şeer şurasınıñ Üç Cılğa (Suvorovo) köy şurasınıñ terkibine kire. Qırımtaraca onıñ adı Or Qapı. Or Qapıdan Krasnoperekopsk şeerine qadar 25 km. mesafe bar.

Böyleliknen, Krasnoperekopsk şeeri qırımtatarca öyle de Krasnoperekopsk aytılır, Perekop köyü ise – Or Qapı.

Telegramda kanalımızğa qoşulıñız ve eñ aktual ve meraqlı malümatlardan haberdar oluñız

Редакция AVDET

Author: Редакция AVDET

Avdet gazetası