Qırımda 5-11-ci sınıf talebeleri arasında Noman Çelebicihannıñ hatırasına bağışlanğan edebiyat yarışı devam ete.
1-ci saylav basamağı regionlarda fevral 10-dan 22-ge qadar keçirile.
Yarış iştirakçileri eki namzetlik boyunca yarışlaşa bile – eki yaş kategoriyasında (5-8-ci sınıflar ve 9-11-ci sınıflar) «İfadeli oquv» ve «Numayış».
Birinci namzetlikni saylağan iştirakçilerge Noman Çelebicihan yazğan, oña bağışlanğan ya da vatanperverlik mevzusına bağışlanğan şiir oqumağa teklif etile. Numayışlar Noman Çelebicihannıñ ömrü ve faaliyetine bağışlana bile.
Yarış qırımtatar milliy areketi iştirakçileri ve cemaat faalleriniñ teşebbüsinen teşkil etile.
«Bu yarışnıñ esas maqsatlarından biri – Vatanğa sevgini köstermektir», – dep qayd etti merasim teşkilatçılarından biri olğan Emine Avamileva.
Arizalarnı nevbetteki adres boyunca yollamaq mümkün: antetkenmen@gmail.com.
Keçken sene keçirilgen Noman Çelebicihan adına yarış 2016 senesiniñ parlaq merasimlerinden biri oldı.
Telegramda kanalımızğa qoşulıñız ve eñ aktual ve meraqlı malümatlardan haberdar oluñız
