Boğurçada tintüv keçirilgen yerge kelgen qırımtatarlar 5 künge yaqalandı

21.02.201722:25

Fevral 21-de tintüv keçirilgen Marlen Mustafayevniñ evine kelgen 10-dan ziyade qırımtatar kişi kütleviy merasimlerni keçirüv aqqında qanunnı bozğanları içün cezalandı.

«Radio Svoboda» mühbiri Anton Naumlükniñ malümatına binaen, belli ki, Ruslan Suleymanov, Ablâkim Abdurahmanov, Seyran Murtazayev, Enver Tasinov 5 kün memuriy yaqalavnen cezalandı.

Yaqalanğan qırımtatarlarğa nisbeten mahkeme ceryanları adliyecilersiz keçirildi.

Bunen beraber, mühbir yaqalanğan kişilerniñ cedvelini paylaştı ve qayd etti ki, malümat belgilene ve yañartıla (Ruslan Suleymanov, Osman Arifmimetov, Remzi Bekirov, Mecit Abdurahmanov, Ablâkim Abdurahmanov, Valid Abu Farid, Seyran Murtazayev, Alim Karimov, Reza İzetov, Enver Tasinov).

Avdetniñ bildirgenine köre, Aqmescitteki (Simferopol) Kiyev rayon mahkemesi Marlen Mustafayevni 11 künge apiske qapattı. Fevral 21-de Marlen Mustafayevniñ Boğurçada (Kamenka) evinde OMON iştiragi ile tintüv keçirildi. Tintüv keçirilgen yerde yaqalanğan kişilerden arasında Mustafayevge qol tutmaq içün kelgen Osman Arifm, Remzi Bekirov, Ruslan Suleymanov, Riza İzetov, Alim Karimov, Valid Abu Farid, Seyran Murtazayev ve digerleri oldı.

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Фото аватара

Автор: Редакция Avdet

Редакция AVDET