Qırım Devlet şurası deputatı Valeriy Aksenov Facebook saifesinde yazdı ki, Devlet şurası sessiyasında Aqmescit soqaqlarınıñ birine Vitaliy Çurkin adını bermege teklif ettiler.
«Teklif Devlet Şurası deputatları tarafından bir ağızdan qabul etildi. Bazarertesi künü şeer Şurasına muracaatnı azırlaycam», — dep yazdı Valeriy Aksenov.
Bundan evel böyle teklif ile Devlet Duması deputatları Moskva şeer belediyesine muracaat etken edi. Bunen beraber, Cenübiy Osetiya prezidenti Leonid Tibilov Tshinval memuriyetine soqaqlarnıñ birine diplomatnıñ adını bermek meselesini işlep baqmağa avale etti.
Fevral 20-de New-York şeerinde Birleşken milletler teşkilâtında (BMT) Rusiye daimiy temsilcisi Vitaliy Çurkin 64 yaşında olıp vefat etti.
İçtimaiy ağlarda Facebook, Vkontakte,Odnoklassniki saifelerimizge, bunen beraber,Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
