Yaltada maymunnı tutmaq içün yollarnı qapattılar

27.02.201710:25

Fevral 25-te «Yalta-İnturist» musafirhane kompleksi yanındaki kiçik ayvanat bağçasından maymun qaçtı. Fevqulade vaziyetler nazirligi hadimleri ayvannı tutmaq içün yollarnı qapatmaq mecbur oldı.

İnternet ağında Massandra yol çatışması rayonında adamlar ağlar vastasınen maymunnı tutmağa tırışqanını köstergen fotoresimler peyda oldı. Ayvan yol yanındaki fener diregine çıqtı. Kimse zararlanmasın dep, FVN hadimleri yolnı qapattı, dep bildire içtimaiy ağlar qullanıcıları.

Yerli sakinlerniñ malümatına köre, qaçqan maymun mangobey soyundan ola, onıñ adı Mitâydır. Bundan evel de maymun ayvanat bağçasından qaçqan edi.

Ayvannı, onı mahsus ilâc ile cirit vastasınen yuqlatıp, tutıp oldılar.

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

 обезьяна
обезьяна1

Фото аватара

Автор: Редакция Avdet

Редакция AVDET