Lâlelerniñ yañı çeşitine Jamalanıñ adı berildi

28.02.201717:34

Lâle östürgen StoKolex Felemenk şirketi çiçekniñ yañı çeşitini östürdi ve oña ukrain yırcısı Jamalanıñ adını berdi.

«Jamala» lâlesi Kiyevde keçirilecek çiçek sergisinde taqdim etilecek.

«Şirket temsilcileri lâlelerniñ yañı çeşitine adımnı bermege niyetlengenleri aqqında maña aytqanlarında, taaciplendim. Menim içün bu haber beklenilmez edi. Pek memnün oldım», – dep izaat berdi Jamala.

Bunen beraber, yırcı añlattı ki, lâlelerni pek seve. Jamalanıñ sözlerine köre, bir vaqıt bu çiçeklerni östürgen onıñ babası bu haberden pek quvanacaqtır.

«İntervyularımda bir qaç sefer aytqanım kibi, bir vaqıt babam lâle östürgen edi. Oña, bağçamızda oturtsın dep, bu lâle soğan piçim saplarını berecegimde onıñ ne qadar quvanacağını tasavur etem. Menim içün bu büyük şereftir!» – dep ayttı Jamala.

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Jamala_child

Фото аватара

Автор: Редакция Avdet

Редакция AVDET