Frenk seyahatçısı qırımtatarlarnı Amerika yerlilerinen qıyaslay edi

01.03.201715:10104
татары

Frenk riyaziyatçısı, müendis ve arbiy haritacısı Giyom Levasser de Boplan (tahminen 1595-1685) avropalılar içün Qırım üstündeki perdeni açqan birinci insan olğanınen bellidir. Öz közetüvlerini «Qırım ya da Tatariya yurtu aqqında» dep adlandırdı.

Giyom de Boplan içün, o zamandaki er angi avropalı içün kibi, tatarlar – yavuz basqıncı edi. Qırımtatarlar frenkke … Amerika yerlilerini hatırlattı.

«Olar, boy ve tışqı körünişten Marananu yalısındaki Amerika yerlilerine ya da karaiblar dep adlandırılğan kimselerge oşay. Olarnıñ episi cesür ve küçlü, yorğunlıqqa teslim olunmağan, ava vaziyetiniñ deñişmelerini qolay-qolay keçirgen askerlerdir, çünki yedi yaşından başlap, öz kotarglarından, yani eki köpçekli evçiklerinden çıqqanda, açıq kök tübünde yuqlay. Bu yaştan başlap, olarğa aş iç berilmey, olar onı oqnen urmalı. Böyleliknen tatarlar balalarını yahşı atmağa ögrete. 12 yaşında olar cenkke yollanıla», – dep yaza edi etnograf.

КРЫМСКИЕ ТАТАРЫ2

O, qırımtatarlarnıñ tışqı qıyafetiniñ tasvirini de qaldırdı:

«Olar, yüksek boylu degiller… lâkin kesmentik, büyük [beden] azalarınen, yüksek ve semiz qursaqlarınen, omuzları keniş, boyun qısqa, başı büyük; tomalaq betli, mañlay keniş, közleri pek açıq degil, lâkin pek qara, burunları qısqa, ağız kiçik, tişleri filtiş kibi beyaz, teri esmeri, saçları pek qara ve qattı, at yalını kibi. Aslında, olar hristianlardan pek farqlı körüne».

ВОИН1

ВОИН

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Редакция AVDET

Author: Редакция AVDET

Avdet gazetası