Amerikalı Vogue mecmuası qırımtatar qızlarınıñ fotoresimlerini derc etti

07.03.201715:32197
01-crimean-liana

Amerikalı Vogue mecmuası yañı sanda qırımtatar medeniyetine, hususan milliy qadın urbasına bağışlanğan fotoresimlerini derc etti.

Kiyevde keçirilgen fotosessiyada belli model Evelina Mambetova ve dizayner Ediye Karimova iştirak etti. Qızlar altınnen bezetilgen renkli fes ve qaftanlar taqıp-kiyip fotoresimlerge çıqarılğan. Kadrlarda Ediye Karimova, bir asırdan evel onıñ bitası kiygen anterge oşağan qırmızı jakkard anterni taqdim ete, dep aytıla maqalede.

жаккардовое платье

Ediyeniñ tatası Alime Karimovanıñ saçları püsküllernen yaraştırılıp örülgen, bu, qırımtatar medeniyetinde qız evlenmegenini bildirgen işarettir.

подвески на косах

Oyun ocası Elnara Abdullayeva altınnen nağışlanğan velvet anterni, diger model ise – Evelina Mambetova – altınnen bezetilgen fes ve köküslikni taqdim ete.

17203685_1435100169834980_49260336_n
151858

Maqale müellifleri bildire ki, fotosessiya içün Qırımdan Kiyevge qırımtatar qadın urbaları ketirildi, bunıñ kerçekleşmesine Nadejda Şapoval yardım etti. Medeniyet naziriniñ mesleatçısı Esma Aciyeva ise, modellerniñ fotosessiyası içün 100 yıl evel yapılğan kümüş quşaqnı ketirdi.

къушакъ

Maqalede, qırımtatarlarnıñ sade olmağan taqdiri añlatılıp, halqnıñ milliy urbasını 1944 senesi sürgünligi sebebinden saqlamaq ağır olğanı bildirile.

Foto: Vogue mecmuası

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Редакция AVDET

Author: Редакция AVDET

Avdet gazetası