Tünevin, mart 6-da Gurzuf rayonında Qırım Cenübiy yalısı sakinleri ve musafirleri adden tış manzaranı közete edi – deñiz puslandı.
Küneşli kün deñizde tuman topları peyda oldı, dersiñ ki, yanğın yüz berdi.
«Gurzufta deñiz üstünde masal tumanı. Böyle şeyni iç körmegen edim», – dep içtimaiy ağlarda izaat bere yerli sakinler.
Qırım gidrometeorologiya merkezinde bunıñ «deñiz buvlanuvı» olğanını ayttılar. Böyle tuman Qara deñizde qıştan evel ve baarde ola.
Böyle tuman deñiz ve avanıñ farqlı arareti olğanda peyda ola.
Sinoptiklerniñ malümatına binaen, mart 6-da deñiz suvı arareti Yalta ve Aluştada +8 ve +9 dereceni teşkil etti, dep bildire «Novıy den».
İçtimaiy ağlarda Facebook,Vkontakte,Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
