Mart 17-de, cuma künü Qırım dağlarında, hususan Anğara boğazında qar yağıp başladı.
Bu aqta region sakinleri içtimaiy ağlarda bildire.
Qar yağması aqqında haberler on beş daqqadan on birde peyda olıp başladı, yarım saat keçken soñ o yerden keçken aydayıcılar bildirdi ki, yağanaqlar daa şiddetli oldı.
«Boğazda qar yağa», – dep yaza Qırım sakinleri. Avtomobil aydayıcılarına diqqatlı olmağa tevsiye etile.
Qırım gidrometeorologik merkeziniñ malümatına binaen, yaqın künlerde yarımadada yağmur yağması beklenile, ava arareti gece 0+6, kündüz +10+12 dereceni teşkil etecek.
Foto: Avtopartner Krım | DTP DPS PDD
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.