Aqmescit (Simferopol) ve Aqyardaki (Sevastopol) Aleksey Navalnıynıñ tarafdarları «Rusiye yuqarı devlet memurlarınıñ qabarcılıq yapqanlarını» taqiq etmek talabına destek olaraq yürüş ve miting şeklinde merasimler keçirecek ola. Merasimlerniñ keçirilüvi mart 26-ğa planlaştırılğan.
«Soqaqqa çıqmamıznıñ sebepleri – bu, birinciden, ükümetniñ vatandaşlar muracaatına cevap bermege istemegenidir. Böyleliknen, biz, Rusiyeniñ diger çoq şeerindeki adamlar kibi, ükümetten qabarcılıqnen qabaatlavğa («O Sizge Dimon degil» filminde Aleksey Navalnıy tarafından bildirilgen qabaatlav, – Avdet) izaat bermesini talap etemiz», – dep ayttı Qırım faali Dmitriy Kisiyev.
Kisiyev ümüt ete ki, Aqmescit şeer belediyesi işbu merasimni ilk nevbette uyğunlaştıracaq, çünki bu kibi bildirüvler aman-aman bir vaqıtta qomşu Rusiyeniñ onlarca şeerleri memuriyetlerine berildi, dep bildire «Qırım.Aqiqat».
Faal qayd etti ki, bildirüvniñ red etilüvi qanunsız olacaqtır, ve olar buña, ameldeki qanunğa esaslanıp, mahkemege şikâyet etecek. Aynı vaqıtta, uyğunlaştıruv olmasa, faaller, belki, aktsiya şeklini deñişecek ve soqaqqa bir kişilik piketlernen çıqacaq, bu ise evelden bildirüv berilmesini talap etmey.
İçtimaiy ağlarda Facebook,Vkontakte,Odnoklassniki saifelerimizge, bunen beraber,Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
