Aqmescitte balalar içün icat studiyası açıla

17.03.201711:10

Aqmescitte (Simferopol) balalar içün «Emanet» icat studiyası açıla. Studiyağa 3 yaşını toldurğan balalar, mektep talebeleri ve studentler davet etile. Derslerniñ esas maqsadı, balalar ve ösmürlerniñ icadiy qabiliyetlerini inkişaf ettirmektir.

«Emanet» studiyasınıñ programmasında halq ve ilâhiy vokalı, ritmika, sanada nutuq boyunca gruppalar bar. Ocalar – Bekir Adilov ve Reyane Mustafayeva.

Bunen beraber, Qırım müftiyatı matbuat hızmetiniñ bildirgenine köre, «Emanet» studiyasınıñ programmasında balalar içün müzeyler, kontsertlerge ziyaretler, yazda ise şeerden tış lagerde raatlıq teşkil etilecek.

Dersler aftada eki kere keçirilecek, şahsiy dersler de bar. Oquv fiyatı ayda 1000 rubleni teşkil ete.

«Emanet» icat studiyası nevbetteki adres boyunca yerleşe: Aqmescit şeeri, Pobedı caddesi, 128, «Faydalı İlim» medeniyet-maarif merkezi.

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Фото аватара

Автор: Редакция Avdet

Редакция AVDET