Elvira Sarıhalil seyircilerge yañı programmanı taqdim etecek

18.03.201719:4085
эльвира сарыхалил

Mart 31-de «İrey» djaz-klubında qırımtatar yırcısı Elvira Sarıhalil çalğıcı Rasim Ramazanov ile birlikte «Conversation» («Subet») yañı müellif programmasını seyircilerge taqdim etecek.

«Kerçek aytayım. O (müellif programması, – Avdet), Qırımğa oşay! Djaz, folklor, klassikağa oşay! Şiiriyetke, monolog ve subetke oşay! Bu muzıkanıñ küçlü tamırları, qara qan damarları, arteriyaları ile yüregi bar. Hatıra, keçmiş ve kelecegi bar. Bu aqqında azca aytıp olamayıp. Çoqça aytıp olam…» – dep paylaştı Elvira Sarıhalil.

Merasim saat 19:00-da başlanacaq. «İrey» djaz-klubı, Aqmescit, Lenin soqağı, 25. Telefon nomerleri: 7(978)752-54-37, +7 (3652) 620-386.

Elvira Sarıhalil qırımtatar halq yırlarınıñ unikal icracısı olaraq belli. Avdetke bergen intervyusında yırcı, vatanından tış yahşı perspektivalarğa baqmadan, vatanda qalmağa qarar alğanı, bala terbiyelevi ve bu onıñ icadına keder etmegeni, hobbi ve kelecekke icat planlarını añlattı.

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

афиша симф

Редакция AVDET

Author: Редакция AVDET

Avdet gazetası