Bu sene mart 18-de Qazanda Qırım Cumhuriyeti ve Aqyar (Sevastopol) şeeriniñ Rusiye Federatsiyasına qoşulmasına bağışlanğan miting keçirilmeycek.
Bu aqta malümat şeer belediyesinde bildirildi.
Bunıñ yerine «Qazan» Milliy-medeniy merkeziniñ binasında «Qırım baari» serlevalı yaşlar teşkilâtlarınıñ festivali keçirilecek.
Ükümet miting keçirüvden vazgeçilgeni aqqında resmiy izaat bermey. Memurlarnıñ biri ayttı ki, «Qırım şimdi Tataristannıñ malümat kün tertibinde degildir», dep bildire «Kommersant».
Qazanda Qırım yarımadasınıñ Rusiyege qoşulmasına bağışlanğan mitingler üç yıl devamında keçirilgen edi. Merasimlerde bücet müessiselerinde çalışqanlar, memurlar, Tataristan Devlet şurası deputatları ve cemaat teşkilâtları iştirak etken edi.
Avdetniñ evel bildirgenine köre, mart 20, bazarertesi künü Qırım ve Aqyarda, yarımadanıñ Rusiyege qoşulmasına bağışlanıp, raatlıq künü ilân etildi.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
