Naile İbraimova «Memleket sesi» yarışınıñ nevbetteki basamağına keçti

20.03.201713:10

Qırım sakini Naile İbraimova devletniñ eñ büyük şou olğan «Golos krayinı-7» («Memleket sesi», Ukraina) yarışınıñ nevbetteki basamağına keçti.

Tünevin, mart 19-da «Memleket sesi» 7-ci mevsiminiñ ekinci «vokal battlları» keçirildi.

Jamalanıñ büyük taqımınıñ türk qısmı, yani Aqmescitli (Simferopol) Naile İbraimova ve Gâncili Cavid Mamedov «Lean on» yırını icra etti. «Ses uruşında» Naile ğalip çıqtı,  ama onıñ raqibi Cavid de şouda iştiragini devam etecek, çunki idmancı Sergey Babkin onı öz taqımına aldı.

«Olarnıñ şarqiy tabiatını açmağa pek istey edim. Sizden ğururlanam! Bu battlda menim içün Naile biraz ziyade açıldı», – dep qayd etti idmancı Jamala.

Bu sene «ses uruşında» yañı qaide peyda oldı: er idmancı diger taqımdan begengen yırcılarnı öz taqımına ala bile.

Yarışnıñ birinci basamağında Naile ayttı ki, Qırımdaki vaqialar olarnıñ qorantasına davalarni ketirdi, ve o, bu leyhada ailesini birleştirmek ümüdinen iştirak ete.

Фото аватара

Автор: Редакция Avdet

Редакция AVDET