Qırımda «Artek» lageri balalarını taşığan avtobus qazağa oğradı (FOTO, VİDEO)

20.03.201717:38

Mart 20-de saba Yalta-Aqyar (Sevastopol) yolunda Laspi rayonında «Artek» halqara bala merkezi avtobusınıñ iştiragi ile qaza yüz berdi. Avtobus balalarnı Aqyar ziyaretine alıp kete edi.

Rusiye İçki işler nazirliginiñ Aqyar boyunca idaresi matbuat hızmetiniñ malümatına binaen, qaza Mitsubishi yengil maşnasınıñ qabaatınen yüz berdi, onıñ aydayıcısı maşnanı idare etip olamadı, qarşı taraf yoluna çıqtı ve «Artek»niñ avtobusına uruldı.

Qaza neticesinde kimse zararlanmadı. Qazağa oğrağan avtobus vaqia yüz bergen yerde qaldı, «Artek» lageriniñ qalğan kolonnası Aqyarğa yolunı devam etti.

Uquq qoruyıcılar vaqia boyunca teşkerüv işlerini alıp bara.

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

артек1

артек2

Фото аватара

Автор: Редакция Avdet

Редакция AVDET