Aqmescitte Karl Marks ve Puşkin soqaqlarınıñ yaramay tamirlengeni sebebinden bala zararlandı.
Bu aqta içtimaiy ağlar qullanıcıları bildire.
«Aqmescit merkezinde kezmege bardıq. Amma… 6 yaşındaki oğlan, yağanaqlar kanalizatsiyası parmaqlığına urulıp, ayaqmaşnadan yıqıldı», – dep yazdı şaat Facebook saifesinde.
Bala biraz yaralandı. Yerli sakinler qorqa ki, esli-başlı adamlar, yaramay qoyulğan qaldırım taşçıqlarına ya da yağanaqlar kanalizatsiyası parmaqlığına abınıp, yıqılıp yaralana bile, dep yaza «Seyças v Krımu».
Avdetniñ evel bildirgenine köre, Qırım paytahtı merkezinde 2016 senesi sentâbr ayında başlatılğan tamir işleri yaramay yapılğan. İşlerge 180 million ruble sarf etilüvi planlaştırılğan edi. Qıyış qoyulğan qaldırım taşçıqları, tot basqan kanalizatsiya qapaq ve parmaqlıqları, yañlış qoyulğan fenerlerniñ em körünişi güzel degil, em de bu er şey piyadeler içün havflı.
İçtimaiy ağlarda Facebook, Vkontakte,Odnoklassniki saifelerimizge, bunen beraber,Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
