Mart 21-de «Çiygoznıñ işi» boyunca 90-ci toplaşuvda imaye tarafı Qırım Yuqarı mahkemesinde deliller ketirip başladı.
Bu aqta malümatnı Ahtem Çiygoznıñ adliyecisi Nikolay Polozov bildirdi.
Onıñ sözlerine köre, imayeniñ birinci şaatı Zair Smedlâyev oldı.
«Toplaşuvnıñ birinci qısmında o, fevral 25 ve 26 künleri yüz bergen vaqialar boyunca deliller ketirdi. Fevral 26-da Qırım Muhtar Cumhuriyeti Yuqarı Radası yanında miting degil de, piket keçirilgeni aqqında añlattı… Ahtem Çiygozğa regional meclisler ile bağlanmaq iç emirler berilmegen edi, amma böyle olğanını bundan evel sırlı şaatlar aytqan edi. Ve o, Yuqarı Rada binası yanında piket teşkil etilüvinde iştirak etmegen edi», – dep ayttı Polozov.
Ahtem Çiygoz Aqmescit SİZO-sında 2015 senesi yanvar ayından başlap buluna, o, Rusiye Federatsiyası Cinaiy kodeksiniñ 212 maddesi 1-ci qısmı («kütleviy nizamsızlıqnı teşkil etüv») boyunca qabaatlana, madde boyunca qabaatlanğan kişi 10 yılğa qadar apiske qapatıla bile.
İçtimaiy ağlarda Facebook, Vkontakte,Odnoklassniki saifelerimizge, bunen beraber,Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
