Ahtem Çiygoz SİZO-da daa üç ayğa qaldırıldı

23.03.201720:52

Qırım Yuqarı mahkemesi qırımtatar faali Ahtem Çiygoznıñ apiste bulunma müddetini daa üç ayğa devam ettirdi.

Bu aqta onıñ adliyecisi Nikolay Polozov Twitterde yazdı.

«Mahkeme Ahtem Çiygoznıñ apiste bulunma müddetini daa üç ayğa, aprel 8-den iyül 8-ge qadar, devam ettirdi», – dep bildirdi o.

Bugün mahkemede Ahtem Çiygozğa qarşı cinaiy işniñ baqıluvı devam etti.

Ahtem Çiygoz Aqmescit SİZO-sında 2015 senesi yanvar ayından başlap buluna, o, Rusiye Federatsiyası Cinaiy kodeksiniñ 212 maddesi 1-ci qısmı («kütleviy nizamsızlıqnı teşkil etüv») boyunca qabaatlana, madde boyunca qabaatlanğan kişi 10 yılğa qadar apiske qapatıla bile.

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Фото аватара

Автор: Редакция Avdet

Редакция AVDET