Ukrainada Voronenkov öldürilüviniñ esas versiyaları ilân etildi

23.03.201716:55

Taqiqat Devlet Dumasınıñ sabıq deputatı Denis Voronenkovnıñ öldürilüvi boyunca eki versiyanı bildirdi.

Bu aqta Ukraina baş prokurorı Yuriy Lutsenko brifing devamında ilân etti.

«Şimdiki vaqıtta Yanukoviçniñ işi boyunca şaatnıñ öldürilüvi, em de Rusiye Federatsiyası Federal Havfsızlıq hızmetiniñ kontrabandası işi boyunca öldürüv ilk versiyalar olaraq baqıla», – dep ayttı Lutsenko.

O qayd etti ki, Voronenkov Ukraina mahsus hızmetleriniñ biri tarafından muafaza etilgen edi. Lutsenkonıñ sözlerine köre, sabıq deputatnıñ yaralanğan muafızı – Ukraina mahsus hızmetleriniñ hadimi ola.

Bunen beraber Lutsenko bildirdi ki, Denis Voronenkovnıñ qatili başına atılıp yaralandı, şimdiki vaqıtta o az qaldı ölecektir. Olarnıñ ekisi hastahanege ketirildi. Voronenkovnıñ muafızı sağ qaldı ve endi taqiqatnen işbirlik tuta.

Kremlde sabıq deputatnıñ öldürilüvi içün Ukrainanıñ mesüliyetli olğanını sayalar. Rusiye prezidentiniñ matbuat kâtibi Dmitriy Peskov ilân etti ki, Voronenkovnıñ öldürilüvi Ukraina onıñ havfsızlığını teminlep olamağanını bildire. Onıñ sözlerine köre, Kremlde ümüt eteler ki, «qatil ve bu areketlernen bağlı er kes belgilenecektir».

«Fikrimizce, nasıldır rusiyeli iz aqqında fikirler saçmadır», dep qoştı o.

Avdetniñ evel bildirgenine köre, Voronenkov mart 23-te Kiyev merkezinde öldürildi. Ukraina prezidenti Petro Poroşenko işbu vaqianıñ «Rusiye tarafından devlet terrorizmi» olğanını ayttı. Moskva ise, vaqia içün Kiyevniñ mesüliyetli olğanını saya. Bunen beraber, prezidentniñ matbuat kâtibi Dmitriy Peskov, öldürüvge izaat berip, ilân etti ki, bu, Kremlniñ «işi» degil.

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Фото аватара

Автор: Редакция Avdet

Редакция AVDET