«Birinci kanal» Samoylovanıñ çıqışını televizion köprü vastasınen yayınlamaqnı red etti

24.03.20178:55

Rusiyede bu sene «Eurovision» yarışınıñ yayınlanmasını teşkil etecek «Birinci kanal» ilân etti ki, rusiyeli yırcı Yuliya Samoylovağa televizion köprü vastasınen iştirak etmek davetini red ete.

«Uzaqtan iştirak etüv teklifini añlaşılmaz bir şey olğanını sayamız ve bunı red etemiz, çünki bu, elbet, merasimniñ manasına zıt kele, onıñ esas qaidesi şu ki, «Eurovision» sanasında canlı yayında iştirak etmek kerek», – dep aytıla kanalnıñ beyanatında.

Telekanalnıñ fikrince, devlet-teşkilâtçı er iştirakçiniñ merasim devam etecek müddetke viza almağa yardım etmeli, ve rusiyeli yırcı Yuliya Samoylovanıñ Ukrainağa kirişi yasaq etilüvi «yarış qaidelerini boza».

Avdetniñ evel bildirgenine köre, Avropa yayınlav birligi (AYB) Birinci kanalğa «Eurovision» yarışınıñ ekinci yarım finalında rusiyeli yırcı Yuliya Samoylovanıñ çıqışını köstergen canlı yayınnı televezion köprü vastasınen teşkil etmege teklif etti.

mart 22-de Kiyev Rusiyeden «Eurovision-2017» yarışınıñ iştirakçisi Yuliya Samoylovanıñ devletke 3 yıl müddeti devamında devletke kirişini yasaq etti.

Hatırlatamız ki, Kiyev, 2016 senesi Stokgolm şeerinde Jamala ğalebe qazanğan soñ, «Eurovision-2017» yarışını keçirmek aqqını aldı. Yarış finalı mayıs 13-te keçirilecektir.

Mart 13-te Avropa birligi Şurası Ukraina topraq bütünligi ve mustaqilligini bozuvnen bağlı kirsetilgen sanktsiyalarnı daa yarım yılğa uzattırdı. Bu müddet 2017 senesi sentâbr 15-ke qadar devam etecek.

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Фото аватара

Автор: Редакция Avdet

Редакция AVDET