Bugün, mart 29-da Qurman (Krasnogvardeyskoye) rayonınıñ Yañı Çembay (Korennoye) köyü civarındaki ormanda 55 yaşındaki Enver Avuşnıñ cesedi tapıldı.
Bu aqta Qırım musulmanları diniy idaresi malümat ve neşriyat bölüginiñ hadimi Zera Emirsuin bildirdi.
Seitler (Nijnegorskiy) rayonınıñ Drofino köyü sakini Enver Avuş mart 18-de ğayıp oldı. Yaqınları onıñ aqqında bildirgen edi ki, o, 2-ci gruppa saqatı ola ve suallerge cevap bermey.
Cenazenen bağlı malümatnı nevbetteki telefon nomerleri vastasınen ögrenmek mümkün: +7 978 101 18 90; +7 978 106 8183.
Avdetniñ evel bildirgenine köre, mart 26-da Qarasuvbazar (Belogorsk) rayonınıñ Sartana (Alekseyevka) köyü civarındaki ormanda mart başında ğayıp olğan Mudessir İsayevniñ cesedi tapıldı.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
