Bugün saba Bağçasaraynıñ 6-cı ve 7-ci qasabalarında Seydamet Mustafayev ve Riza Mujdabayevniñ evlerinde tintüvler keçirildi.
Bu sebep ile Yol patruli hızmeti hadimleri yollarnı blok etti, vatandaşlarğa qol tutmağa kelgenler ise, qanun nizamına uymağanları içün yaqalana.
Dört kişi yaqalanğanı aqqında haber etile: Mustafa ve Şevket Abduramanovlar (oğul ve babası), Eskender Memetov (siyasiy mabus Remzi Memetovnıñ oğlu), Remzi Zudiyev.
Olarğa nisbeten memuriy protokollar tizile.
Tintüvler keçirilgen yerge Rusiye gvardiyası quvetleri celp etildi.
İçtimaiy ağlarda Facebook, Vkontakte,Odnoklassniki saifelerimizge, bunen beraber,Telegramda kanalımızğa qoşulıñız ve eñ aktual ve meraqlı malümatlardan haberdar oluñız.