Aqmescitte qaza neticesinde maşna çevirildi

16.04.201718:15

Aqmescitte (Simferopol) aprel 16-ğa keçer gecesi yengil maşnalarnıñ iştiragi ile kütleviy qaza yüz berdi.

Qaza Lermontov soqağı ve Pobedı caddesiniñ çatışmasında yüz berdi. Şaatlarnıñ sözlerine köre, beyaz Skoda Rapid avtomobili Pobedı caddesinden Lermontov soqağına burulğanda Pobedı caddesinde ketken beyaz Datsun Onda maşnasını urdı. Datsun ise, yol kenarında turğan Daewoo Chance avtomobilini urdı ve çevirildi.

Qaza şaatlarınıñ bildirgenlerine köre, Skoda aydayıcısı qaçmağa tırıştı, amma maşnanıñ motorı söndürildi ve o, azbarğa aydap kirdi. Qaza yüz bergen yerge Yol areketi havfsızlığı devlet inspektsiyası ve acele yardım hadimleri keldi.

İlk malümatlarğa binaen, elâk olğanlar yoq. Zararlanğanlar aqqında şimdilik haber etilmey.

Foto: Avtopartner Krım

İçtimaiy ağlarda Facebook, Vkontakte,Odnoklassniki saifelerimizge, bunen beraber,Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

авария симфер

авария.16.04.17

авария16.04.17.

Фото аватара

Автор: Редакция Avdet

Редакция AVDET