Bağçasaray rayonında terek 17 yaşındaki qıznı öldürdi

22.04.20179:15

Aprel 21-de, Bağçasaray rayonındaki Yancu (Putilovka) köyünde terek yıqılıp, 17 yaşındaki qıznı öldürdi.

Bu aqta Qırım Cumhuriyeti boyunca Taqiqat komitetiniñ matbuat hızmeti bildirdi.

Bağçasaray rayonı taqiqat bölügi bu vaqia boyunca Rusiye Federatsiyası Cinaiy kodeksiniñ 109-cı maddesi 1-ci qısmında (muqaytsızlıqtan öldürüv) qayd etilgen cinayet alâmetleri boyunca cinaiy işni açtı.

Şimdiki vaqıtta cinayet şaraiti ve bunen bağlı şahıslarnı belgilemek içün taqiqat işleri alıp barıla. Cinaiy işniñ taqiqatı devam ete.

Hatırlatamız ki, sinoptiklerniñ tahminlerine binaen, aprel 21-22 künleri yarımadada avanıñ kerginleşmesi beklenile.

Avdetniñ evel bildirgenine köre, aprel 19-ğa keçer gecesi Qırımnıñ bir qısmı sabanı qar ile qarşıladı. Qar Aqmescit (Simferopol) ve Qırım şimaliy rayonlarında yağdı.

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Фото аватара

Автор: Редакция Avdet

Редакция AVDET