Qara deñiz Flotunıñ «Liman» tedqiqat gemisi «Aşot-7» gemisine Qara deñizde urulıp, suvğa battı.
Bu aqta TASS agentligi, Rusiye Mudafaa nazirligi matbuat hızmetiniñ malümatına esaslanıp, bildire.
«2017 senesi aprel 27-de saat 11:53-te Qara deñizniñ cenüp-ğarbiy qısmında İstanbul boğazından şimal-ğarbiy yönelişte 40 kilometr uzaqlığında Qara deñiz Flotunıñ «Liman» tedqiqat gemisi «Aşot-7» gemisine urulıp, suvğa battı», – dep bildirdiler mudafaa nazirliginde.
Nazirliginiñ qayd etkenine köre, «Liman» erkânı arasında zararlanğanlar yoq.
İçtimaiy ağlarda Facebook, Vkontakte,Odnoklassniki saifelerimizge, bunen beraber,Telegramda kanalımızğa qoşulıñız ve eñ aktual ve meraqlı malümatlardan haberdar oluñız.