Ay-Petri dağ töpesinde Qırım ükümeti tarafından öz isteginen qurulğan kibi tanılğan musafirhane, qavehaneler ve ticariy noqtalar göñülli olaraq yoq etilip başladı.
Cumhuriyet ükümetiniñ bildirgenine köre, bütün iş adamlarına diger yerler teklif etildi.
«İstisnasız, bütün binalar 100% yoq etilecek. Bu yerde iç inşaat qalmaycaq. İş başlandı. İşni ömürge keçirecek şahsiy şirket bunı ğayrı bücet parasınen yapmağa azır. Bu yerde iç inşaatlar olmaycaq, esas vazife – büyük közetüv meydançıqnı yapmaqtır, kelecekte bu yerde ekologik bağçası yapılacaq», – dep ayttı Qırım yolbaşçısı Sergey Aksönov.
İnşaatlar olğan topraq damartısınıñ qullanıcısı, «Şarm» şirketiniñ müdiri Nariman Kutbedinov haber etti ki, 45 obyekt yoq etilmek kerek. Meydançıq bir yarım ay devamında temizlenmek kerek, bundan soñ bu yer Yalta idaresine teslim etilecek. Topraq damartısı şirketniñ kirasında 49 yıl devamında bulundı. Onıñ vesiqaları Ukraina vaqtında alındı.
«Göñülli olaraq işbu topraq damartısını boşamağa qarar aldıq, çünki o ekologik zonada buluna. Qırım ükümetinen bütün inşaatlarnı yoq etmek umumiy qararına keldik, çünki bu, qoruq zonası ve Qırım incesidir», – dep ayttı Kutbedinov, bildire «RİA-Krım».
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
