Mayıs 22-de aqşam Mançesterdeki (Büyük Britaniya) «Mançester Arena» stadionında yırcı Ariana Grandeniñ kontserti vaqtında patlav yanğıradı.
Resmiy malümatqa binaen, patlav neticesinde 22 kişi elâk oldı, tahminen 60 adam hastahanelerge tüşti. Politsiya haber etti ki, yüz bergen vaqianı terakt olaraq belgileycek, eger bunıñ yañlış olğanı aqqında delillerni almasa.
Şaatlarnıñ sözlerine köre, patlavlar kontsert yekünlengen soñ, seyirciler yerlerinden ketkende, yüz berdi.
«Mançester Arena» – İngiltereniñ şimal-ğarbında yerleşken Mançester şeerindeki qapalı arenadır. Meydançıq Büyük Britaniyada eñ büyük sayıla ve Avropa Birliginde büyükligi boyunca ekinci yerde buluna. Arenağa 21 biñ adam sığa. Bu yerde em muzıka, em de sport merasimleri keçirile.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
