2017 senesi Qırımda 11 biñ talebe mektepni bitire. Bugün, mayıs 25-te olar içün soñki çañ çalacaq.
Bu aqta Qırım Cumhuriyeti tasil, ilim ve gençler naziri Natalya Gonçarova bildirdi.
Onıñ sözlerine köre, soñki çañ çalğan soñ, talebeler raatlanmaz, çünki mayıs 31-de birinci imtian – riyaziyat (matematika) boyunca – keçirilecek. Bu sene de yarımada mektep talebeleriniñ yekâne devlet imtianını ya da devlet çıqış imtianını saylamaq imkânı bar. Olarnıñ çoqusı yekâne devlet imtianını sayladı.
Diger orta sınıf mektep talebeleri içün soñki çañ yarın, mayıs 26-da çalacaq.
Avdetniñ bildirgenine köre, 2016 senesi 16 biñ Qırım mezunı abituriyent oldı, olardan 346 kişi qırımtatar tilinde tasil aldı.
Fotoresimde qırımtatar tilinde tasil berilgen 3 sanlı Sudaq mektebiniñ mezunları, 2016 senesi.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
