Aqyarda cumaertesi künü saba erte yanğıncılar Gagarin rayonındaki «Apelsin» ticariy merkezinde ateşni söndüre edi.
Bu aqta Rusiye Fevqulade vaziyetler nazirligi Aqyar boyunca Baş idaresiniñ matbuat hızmeti bildire.
FVN-ne saat 04.40-ta yanğın aqqında haber etildi. Yedi daqqa keçken soñ qurtarıcılar ateşni söndürip başladı. Hususan, FVN-niñ malümatına binaen, ticaret merkezi yanındaki yük meydançığında turğan tahta mesnetler yandı. Ateş 30 kvadrat metrni qaplap aldı.
Yanğın saat 05.01-de söndürildi. Qurtarıcılar ateşniñ bina odalarına keçmesine yol bermedi. Vaqia neticesinde zararlanğanlar yoq. Yanğın sebepleri ögrenile.
İçtimaiy ağlarda Facebook, Vkontakte,Odnoklassniki saifelerimizge, bunen beraber,Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
