Sabriye Erecepova – professional seviyede qırımtatar halqınıñ istidatını, milliy yır ve oyun repertuarınıñ zenginligi ve güzelligini, aktör ustalığı yüksek seviyesini köstergen ilk icracılardan biri oldı.
Efsaneviy yırcınıñ sesi er bir insannıñ hayalında Qırımnıñ dülberligini canlandıra edi. Onıñ sesi er qırımtatarnıñ yüreginde yanğıray edi. Bu sene iyül 12-de yırcınıñ doğğanından 105 yıl olacaq. Avdet Sabriye Erecepovanıñ unikal fotoresimlerini seyir etmege teklif ete.
