Qarasuvbazar rayonında tamir etilgen eski cami açıldı

26.06.201711:40

Qırımdaki Qarasuvbazar (Belogorsk) rayonınıñ Köpürliköy (Çeremisovka) köyünde 1703 qurulğan eski cami üç yıl devam etken tamir işlerinden soñ açıldı.

«Köy sakinleri bu vaqianı çoqtan bekley edi. Ve mına, aqşam, oruçnıñ yekünlenmesini bildirgen büyük musulman Oraza bayramı arfesinde eski camide ezan sesi eşitildi», – dep aytıla Qırım müftiyatı matbuat hızmetiniñ beyanatında.

Köpürliköy camisi 1703 senesi quruldı. Sovet zamanında cami boğday içün anbarğa çevirildi, 1944 senesi mayıs ayında qırımtatar halqı sürgün etilgeninden bir qaç yıl evel, ükümetniñ avalesi ile, cami qubbesi yoq etildi. Tamir işleri 2014 senesi başlandı.

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Фото аватара

Автор: Редакция Avdet

Редакция AVDET