Qızlar içün «Totayçıqlar klubı» bir yıllığını qayd etti

03.07.201712:45

Qızlar içün birinci qırımtatar «Totayçıqlar klubı» bir yıllığını qayd etti. Klubnıñ doğğan künü bayram merasimi keçirildi.

Merasimde klubnıñ kiçik azaları olarnıñ tarafından teşkil etilgen «Dostluq çoqrağı» qoqla teatriniñ ilk oyunını taqdim etti.

Klub başta qızlar içün teşkil etilgenine baqmadan, bu yerge oğlanlar da faal şekilde qatnadı. Olardan biri, Ayder, qırımtatar edebi mevzusına bağışlanğan bir sıra şiir yazdı, olarnı bayramda Medine ve Tamila oqudı. Merasimde qızlar Niyara Cemilevanıñ reberliginde tikken feslerni musafirlerge kösterdi.

Bir yıl evel «Totayçıqlar klubı» teşkil etilmesinde, «Armançıq» mecmuasınıñ baş muarriri Ediye Muslimovanıñ yolbaşçılığında, bir qaç qırımtatar qadını iştirak etti.

«Ağır bir yıl, maliye meseleleri, ocalarnıñ hastalanğanları – bütün bular artta qaldı! Bir yıl balalarımıznen göñülli işini yekünledik! Belli adamlarnı körüşüvlerge davet etken edik, müzeyge bardıq, ana tilini ögrene edik, resim yapa edik, yırlay edik, bayram ve doğğan künleri ile hayırlay edik ve ilâhre!» – dep añlattı klubnıñ teşkil etilmesiniñ teşebbüsçilerinden biri.

Bunen beraber o, teşebbüske yardım etken ve destek köstergen er keske teşekkür bildirdi. Ayrıca qoqla teatri fikrine qol tutqan ve qoqlalarnı ve sana donatmalarını almağa yardım etken Almaniyalı vatandaşımızğa minnetdarlıq bildirildi.

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Foto: Ediye MUSLİMOVA

тотайчыкълар тотайчыкълар2 тотайчыкълар4 тотайчыкълар5 тотайчыкълар6 тотайчыкълар7 тотайчыкълар8

Фото аватара

Автор: Редакция Avdet

Редакция AVDET