Aqmescitte (Simferopol) Cuma cami quruvı devam ete.
Şimdiki vaqıtta memuriy binanıñ içki divarları qurula, kommunikatsiyalar yapıla. Yaqın zamanda qurucılar binanıñ ög tarafına ve pencereler camlamasına keçecek, dep bildire Qırım müftiyatınıñ matbuat hızmeti.
Kelecekte cami binasınıñ içki azbarında kolonnadalar yerleştirilecek yerde qubbeler ve minareler quruvı içün qalıp qoyuldı. Aynı vaqıtta esas bina divarları inşaat etile.
Cami şeerniñ cenübinde, Aqmescit suv anbarı rayonında qurula. Leyhağa binaen, Cuma Cami 2 qısımdan ibaret olacaq – esas bina ve iç azbarı. Binanıñ köşelerinde 50 metrlik 4 minare qurulacaq. Azbarda abdest alınması içün şadırvan yerleştirilecek.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
