Aq-Meçet ve Bor Çoqraq qırımtatar qasabaları arasında yol qurulıp başladı

09.07.201716:50

Cuma künü, iyül 7-de Aqmescitte (Simferopol) Bor Çoqraq (Fontanı) ve Ak-Meçet qırımtatar qasabalarını bağlaycaq yañı yol qurulıp başladı.

Qırım paytahtınıñ memuriyet matbuat hızmetiniñ malümatına binaen, eki eñ büyük qırımtatar qasabasını bağlaycaq yolnıñ uzunlığı 5 kilometrni teşkil ete.

Şeer memurlarınıñ sözlerine köre, yol işbu qasabalarda bulunğan içtimaiy taraftan müim olğan bütün obyektlerni birleştirecek.

Yol quruvına tahminen 270 million ruble sarf etilecek. Plan cedveline köre, yol quruvı 2018 senesiniñ soñunda yekünlenecek.

Avdetniñ evel bildirgenine köre, 5 kilometrlik yol Alime Abdennanova adına mektepke oñaytlı ve havfsız areketni teminleycek. Qurucılıq işleri kelecek sene aprel ayına qadar yekünlenmek kerek.

İçtimaiy ağlarda Facebook, VkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

дорога фонтаны

Фото аватара

Автор: Редакция Avdet

Редакция AVDET