Aqmescit Merkez bazarı yanındaki meydannıñ tamirlenüvi aman-aman yekünlendi

11.07.201719:51

Qırım paytahtı Merkez bazarı yanındaki meydannıñ tamirlenüvi aman-aman yekünlendi.

Aqmescit (Simferopol) memuriyeti yolbaşçısı Gennadiy Baharev yapılğan işlerniñ neticelerini baqıp teşkerdi.

«Şunı aytmaq kerek ki, Merkez bazarı ögünde tüzlük inşaatlarınıñ yapılması iyül 10-da yekünlenmek kerek edi, biz bunı vaqtında yaptıq. Teminlev tarafından esas diqqat yeşillike ayırıldı, terekler, şu cümleden, Lübnan sediri, çalılıqlar ve çiçekler oturtıldı», – dep qayd etti Baharev.

Şimdilik, işni ömürge keçirgen şirketniñ malümatına binaen, işlerniñ 90 faizi yapıldı.

Memuriyet yolbaşçısı qayd etti ki, bu yerniñ teminlenmesine şeer bücetinden bir ruble bile ayırılmadı. Leyhanıñ işke tüşürilmesine Qırım iş adamları İosif Fayngold ve Styopa Akopân büyük destek kösterdi.

Avdetniñ evel bildirgenine köre, Aqmescit Merkez bazarı yanındaki meydanda şeer bağçası yapılacaq. Bu yerniñ meydanı 1,5 biñden ziyade kvadrat metrni teşkil ete. Park yarıq, video közetüv ve ealige haber etüv sistemalarınen teminlenecek.

Aprel 11-de Merkez bazarı yanındaki meydanda qanunsız ticariy noqtalar yoq etilip başladı.

İçtimaiy ağlarda Facebook, VkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

симферопольцр1 симферопольцр4 симферопольцр5 симферопольцр3

Фото аватара

Автор: Редакция Avdet

Редакция AVDET