2018 senesinden başlap Qırım köy sakinleri içün bala bağçaları bedava olacaq
Bu aqta cumhuriyet yolbaşçısı Sergey Aksönov Qırım rusiyeli ükümetiniñ toplaşuvında ilân etti.
«Biz köy sakinlerine destek köstermege ve olarnı bala başçaları içün para tölemesinden boşatmağa añlaştıq, çünki bugünki künde köy regionlarında, şeer belediye müessiselerine köre, para bayağı azcadır», – dep ayttı o.
Aksönovnıñ sözlerine köre, ilk malümatlarğa binaen, leyha fiyatı tahminen 1 milliard rubleni teşkil etecek.
O, qayd etti ki, leyha daimiy şekilde ya da «köyde işten boş vaqıt saasına ve köy infrastrukturasına para ayıra bilecek müessiseler yañıdan çalışıp başlaycağına qadar» amelde olacaq.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
