Qırımda şeerlerara avtobuslarnen yürüv fiyatları birden yedi regionda paalılaştı

16.08.201719:35

Qırım taşıyıcıları, apansızdan, şeerlerara avtobuslarnen yürüv fiyatlarını yedi regionda paalılaştırdı.

Böylece, Aqmescitten (Simferopol) Keriçke, Sudaq, Yalta, Kezlev (Yevpatoriya), Krasnoperekopsk, Canköy ve Aq-Yar (Sevastopol) biletlerniñ fiyatları paalılaştı.

İdarede haber etkenlerine köre, taşıyıcılar yol fiyatlarını özleri qoyabileler.

«Añlaşmağa köre, biletler satılğanda taşıyıcınıñ «Krımavtotrans» yol biletlerniñ fiyatını doğru qoyıp, qoymağanını nezaret etmege, yapılacaq deñişme aqqında 15 kün evel «Krımavtotrans»qa yazılı şekilde haber etip, öz reyslerinde yol ve yükniñ fiyatlarnı tayinlemege, olarnı deñiştirmege aqqı bar», – dep Qırım naqliyat nazirligine atıf ete «Krımskaya gazeta».

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Фото аватара

Автор: Редакция Avdet

Редакция AVDET