Rusiye istimalcı nezareti tarafıdan Qırım yanlarından deñiz suvı teşkerildi

19.08.201716:47

Qırım ve Aqyarnıñ bütün plȃjlarındaki deñiz suvı havfsızlıq talaplarına uya.

Bu haberni Rusiye istimalcı nezaretiniñ matbuat hızmeti bildire.

Boyle neticelerge, deñiz suvını bir sıra tedqiqatlardan keçirgen soñ kelindi.

«3,5 biñ den ziyade deñiz suvı tedqiqatlardan keçti, uymamazlıqlar tek 0,8 % teşkil etti», — dep bildirile matbuat hızmeti.

Qırım ve Aqyar boyunca Rusiyeniñ istimalcı nezareti, yarımada sakinleri ve musafirlerine aşağıdaki qaydelerni yerine ketirmelerine diqqat ayıra:

  • Temizlik qaydelerine riyaet etiñ, elleriñizni sıq – sıq sabunlap yuvıñ, aştan evel ve tualetten soñ elleriñizni yuvmağa unutmañ;
  • İçmek içün qaynatılğan, ya da teşkerilgen suvlarnı içiñ;
  • Deñizde yuvunmaq içün tek temiz ve yuvunmağa izini olğan yerlerni seçiñ;
  • Meyve – sebze ve yemişlerni aqqan suv tübünde yuvıp, balalar içün daa qaynağan suvnen de çayqañ;
  • Aşayt (erzaq) mallarını tesadufiy, satmağa izinleri olmağan insanlardan satın almañ;
  • Plȃjğa süt ve tez bozulacaq mahsullatlarını almañ;
  • Eger de kezintilerden qaytıp kelgen soñ, alsızlanğanıñıznı duysañız deral hastshanege barıñız, ya da evge ekim çağırtıñız.

Avdet haber etkeni kibi, Qırım sakinleri Aluştada Professorskiy ugulokta yuvunğanlarından soñ alsızlıq duyıp başlaylar, yuqunçlı hastalıqlar çoqlaşqanını qayd eteler.

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Фото аватара

Автор: Редакция Avdet

Редакция AVDET