Qırımtatar alimi facialı alda buluna

25.01.201716:08
джелял челеби

Belli qırımtatar alimi, bir sıra luğatlarnıñ ve toponimika boyunca kitaplarnıñ müellifi Celâl Çelebi facialı alda bulunmaqta. Bir qaç yıl evel onıñ közleri kör oldı. Göñülliler oña yardım etmege çağıra.

Göñülliler bütün istegenlerni yardım kösterüvge qoşulmağa ve odunnı kesmege davet etti, odunnı qartbabağa hayriyetçi alıp ketirdi.

«Bizim vazifemiz: cumaaqşamı künü, yanvar 26-da, epimizge Kurtsi (Marino) qasabasında toplaşıp, üç kub odunnı kesmektir», – dep bildirdi göñülliler.

Bunen beraber, Celâl Çelebi içün konservalar, tez pişirilgen şorbalar, sucuq ve diger mahsulatnı ketirmek mümkün.

İştirak etmege istegenler nevbetteki telefon nomeri vastasınen tafsilâtlı malümat ala bile: +7(978)-053-82-74.

Telegramda kanalımızğa qoşulıñız ve eñ aktual ve meraqlı malümatlardan haberdar oluñız

Фото аватара

Автор: Редакция Avdet

Редакция AVDET