Qurman (Krasnogvardeyskoye) rayonınıñ Novozuyevka köyünde yaşağan Appazovlar qorantası büyük belâğa oğradı. Üç balanıñ anası, öyle de fuqarelerden olıp, yanğın neticesinde ev ve vesiqalarsız qaldı.
Bu aqta qırımtatar ressamı Elvisa Tatar Facebook saifesinde bildirdi.
O, vatandaşlarnı, tarafta qalmayıp, em de Ramazan ayında, ailege yardım etmege çağırdı.
Paranı yollamağa istegenlerge Elvisa Tatar kart nomerasını şahsiy mesajnen yollaycaq, dep ayttı, bunen beraber, yanğan evniñ saiplerinen bağlanmaq içün telefon nomerasını yazdı: +79780976919 (Susanna).
Şimdilik yanğın aqqında resmiy malümat yoq.
Avdetniñ evel bildirgenine köre, Lenura ve Nariman Asanovlarnıñ evinde 2016 senesi dekabr 29-da gece yanğın yüz berdi. Neticede qoranta evsiz qaldı, anası ve 11 yaşındaki büyük oğlu ise, 6-cı şeer hastahanesine tüşti. Asanovlarnıñ ailesi vatandaşlar tarafından cıyılğan parağa vaqtınca yaşamaq içün vagon satın alıp oldı.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
