ATİT (OBSE) ekspertleri Qırımnı ögrene ve Ukraina ile işbirligi boyunca tevsiyelernen çalışalar

08.04.20000:00

2009 senesi oktâbrniñ 13-ünde Qırımtatar Milliy Meclisi ofisinde Meclis reisiniñ birinci muavini Refat Çubar Avropada Telükesizlik ve İşbirlik Teşkilâtı (ATİT, OBSE) araştırma merkeziniñ yolbaşçısı Frank Eversni qabul etti. Körüşüvde Meclis azaları, kâtibiyetniñ reberi Zair Smedlâyev, tış bağlar bölüginiñ reberi Ali Hamzin, adliye meseleler boyunca idareniñ reberi Emine Avamileva da iştirak ettiler.
Frank Evers 1996-98 seneleri Ukrainada ATİT missiyasınıñ reis muavini vazifesinde bulunır eken, öz vazifelerniñ çerçivesinde qırımtatarlarnıñ vatanğa qaytuv, abadanlaştıruv ve aq-uquqları ile teminlevnen bağlı meseleleriniñ çezüvinde iştiraki neticesinde qırımtatarlarnıñ problemlerinen yaqın tanış oldı.

Mezkür körüşüvniñ devamında qırımtatarlarınıñ şimdiki vaziyeti ile bağli bir sıra mesele baqıldı. Frank Eversniñ aytqanına köre, o temsil etken ATİTni araştırma boyunca Merkezi al-azırda Ukrainanen işbirlik ekspertizasını azırlap çalışmaqta.

Meclisniñ press-hızmeti

Опубликовано Рубрики Без рубрики