Türkiye din erbapları RF qanunlarından sebep Qırımnı terk eteler.

14.03.20010:00

RF qanunları çetelliler içün “missioner” faaliyetini yasaq etkeni sebebinden Qırımda faaliyet köstergen türkiyeli din erbaplarınıñ ekseriyeti yarımadamıznı terk etti.

İslâm din ocaları çoq yıllar devamında Türkiye cumhuriyeti din işleri idaresiniñ programması çerçivesinde Qırımda faaliyet köstermekte ediler.

Qırım haber agentligine Qırımda Türkiye din işleri koordinatorı Mevlüd Seyhannıñ bildirgenine köre, Qırımda yaşamağa aq bergen vesiqalarnıñ müddetini uzatıp olamağanı sebebinden Qırımnı terk etmege mecbur oldılar. Al- azırda Qırımda tek 5 oca qaldı. Olar mında yaşamağa aq bergen vesiqalarnıñ müddeti bitmegenine qadar yaşaycaqlar.

Er bir oca mında yaşamaq aqqını bergen vesiqalarnıñ müddeti bitmegence yaşap ketken soñ, artıq aynı maqsatnen keri qaytıp olamaz. Olar tek musafir olaraq kele, ya da mesleatçı vazifesenini becere bileler. İdarelerde çalışmaq mümkün, amma missioner faaliyetini devam etmek yasaqtır,- dep añlattı Qırım müftisiniñ muavini Esadullah Bairov. Onıñ fikrine köre, türkiyeli din ocalarnıñ Qırımda kelip çalışmaları- devlet seviyesinde, yani Türkiye ve Rusiye nazirlikleri seviyesinde çezilecek meseledir.




QHA

Опубликовано Рубрики Без рубрики