Сёз сырасы

18.08.20141:40

Кечмишимизни даа озюмиз де ашалайджакъ олсакъ…

Миллий китапханемизде 2010 сенеси чыкъкъан «Крым глазами путешественников» адлы рисалени корьдим. Пек меракълы библиографик менба. Онынъ азырланмасына баягъы эмек сарф этильгени корюне. Къырымгъа багъышлангъан онларнен озьгюн китапларнынъ корюниши ве аннотациясы бериле.

Рисаленинъ башында бойле сатырларны окъудым.

«Крым с его колоритным прошлым, конгломератом проживавших здесь в разные времена народов всегда был в центре внимания не только ученых-профессионалов, но и многочисленных исследователей – любителей в лице путешественников. Во времена Крымского ханства на такой вояж мог осмелиться ограниченный круг людей.

Ситуация принципиально изменилась после 1783 года в связи с переустройством общественной жизни на полуострове на европейский лад. Это позволило отечественным и зарубежным путешественникам удовлетворить своё любопытство к столь таинственному и романтическому месту.

Данный указатель включает книги, фотокопии книг и путеводители по Крыму, изданные до 1917 года и находящиеся в фондах библиотеки им. И. Гаспринского».

Бу ерде бир къач фикиримни бильдирмеге истейим. Эгер олар итираз киби корюнсе, кимсенинъ джаны агъырмасын.

Биринджиден, «конгломератом проживавших здесь в разные времена народов», дегенде, мытлакъ «составивших этногенетическую основу коренного народа Крыма», демели.

Экинджиден, сонъки джумлелер эм янълыш – Къырымгъа «вояж»лар даима олды, эм де акъаретлейиджи корюне – дерсинъ, Къырым ханлары бир айдутлар да, кельген сеферджилерни ёкъ эткенлер.

Учюнджиден, 1783 сенеси Къырым ишгъали бир эйилик киби – «переустройство общественной жизни», деп айтыла. Буюктен-буюк халкъ фаджиасы адий, «на европейский лад» денъишме киби адландырыла. Къана, ойле олса. Бельки де иджрет далгъалары котерильмез ве Ватанымызда сайымыз аджыныкълы дереджеде олмаз эди. Меселе шунда ки, ишгъальджилик башында къуллукъ къурумында яшагъан девлет турды…

А. Абдулла, Акъмесджит

Автор: Редакция Avdet

Редакция AVDET