Meclis Reisi – Çehiya Cumhuriyetiniñ tış işler naziriniñ Birinci muavininen körüşti

11.05.20160:19

10 iyun künü Bahçisarayda turistik-informatsion merkeziniñ tantanalı açıluvında beraber iştirak etken soñ Qırımtatar Milliy Meclisniñ Reisi Mustafa Cemilev Çehiya Cumhuriyeti tış işler naziriniñ Birinci muavini Yirji Şnaydernen körüşti.

Körüşüv devamında Mustafa Cemilev ve Yirji Şnayder ukrainada, Qırımda içtimiay-siyasiy esnaslarnen, qırımtatar halqınıñ vaziyetinen bağlı bir sıra sualler boyunca fikirlernen paylaştılar.

 

M.Cemilev Y.Şnayderge Qırımtatar Milliy Meclisniñ Qırımtatar halqınıñ öz Vatanında aq-uquqlarınıñ tiklenüvi, Ukrainada inkşafınıñ kefaleti ve havfsızlığınıñ teminlevi sualleri boyunca halqara forumğa azırlıq keçirgeni aqqında tarif etti.

Körüşüv iştirakçileri ayrıca qayd ettiler ki, qırımtatar halqınıñ aq-uquqları tiklenüvi cemiyette demokratiya, ürmet, tolerantlıq printsiplerniñ pekinmesine bağlıdır, buña ise Qırım Muhtar Cumhuriyetinde AB ve Ukraina işbirligi çerçivesinde ömürge keçirilgen leyhalar yardım eteler.