11 iyun künü Qırımtatar Milliy Meclis yolbaşçılığıv bu künleri Qırımda şahsiy ziyaret ile bulunğan Ukrainada Frenkistannı Fevqulâde ve Murahhas elçisi Jak For ile körüşti.
Körüşüvde Bütündünya qırımtatar kongressiniñ Prezidenti, Qırımtatar Milliy Meclsi Reisiniñ birinci muavini Refat Çubarov, tış munasebetler bölüginiñ yolbaşçısı Ali Hamzin ve Bahçisaray rayon devlet memuriyetiniñ Reisi İlmi Umerov.
Körüşüv iştirakçileri qırımtatar halqınıñ zemaneviy vaziyeti, yerleşüvi hususiyetleri ve devlet akimiyeti qurumlarınen dialognıñ şekillerinen bağlı suallerni muzakere ettiler.
Meclis Reisi Jak Fornı keçirilüvi yaqın vaqıtta Qırımnıñ tarihiy paytahtı – Bahçisarayda planlaştırılğan “La Richesse” qırımtatar muzeyi merkeziniñ tantanalı açıluvını ziyaret etmege davet etti. Mustafa Cemilev aytqanı kibi, yaratıla yatqan muzeyniñ 1,5 biñge yaqın eksponatı Frenkistanda yaşağan qırımtatar Guliver Altın tarafından toplanıldı.
Ukrainada Frenkistannıñ Elçisi Jak For sübetdeşleriniñ Ukraina ve Frenkistan arasında medeniy bağlarnı keñişletmek kerkeligi aqqında fikirnen razı oldı.
Körüşüv iştirakçileri Qırımtatar halqınıñ öz Vatanında aq-uquqlarınıñ tiklenüvi, Ukrainada inkşafınıñ kefaleti ve havfsızlığınıñ teminlevi sualleri boyunca halqara forumğa azırlıqnen bağlı suallerni de muzakere ettiler.
Meclisniñ Matbuat hızmeti