M.Cemilev Qırımda «Turkish Airlines» vekilleri ile körüşti

11.05.20160:19

14 iyül künü qırımtatar Meclisinde Meclis reisi Mustafa Cemilev "Turkish Airlines" aviakompaniyasınıñ Qırımdaki temsilçiliginiñ yañı müdiri Serhat Filnen körüşti.

Körüşüvde "Turkish Airlines" şirketiniñ Qırımda marketing boyunca temsili Timur Abibullayev bulundı.

Subetdeşler Avropa, Asiya, Şimal Afrika, Yaqın Şarqta büyük kompaniyalardan biri "Turkish Airlines" şirketiniñ qırım temsilçiliginiñ faaliyetini muzakere ettiler.

 

Serhat Fil "Turkish Airlines" uçuşları havfsız ve işançlı olğanından dolayı bir çoq ülkeler tarafından ürmet ve nufuz qazanğanını qayd etti.

Öz nevbetinde, Meclis reisi Mustafa Cemilev ise "Turkish Airlines" kompaniyasınıñ temsilçiligi Ukraina ve Qırımda bulunğanı Türkiye ve Ukraina arasındaki munasebetlerinde emiyetli rol oynağanını bildirip, şirket hadimlerine faal işleri içün minnetdarlıq bildirdi ve muvafaqiyetler tiledi.

Malümat içün:

"Turkish Airlines" şirketi 1933 senesi meydanğa ketirilgen edi. Bugünde Türkiye avayollarınıñ ava flotu 116 uçaqtan ibarettir. Olarnıñ temelini Airbus ve Boeing zemaneviy uçuş apparatları teşkil etmekteler. "Turkish Airlines" şirketiniñ Qırımda temsilçiligi 1999 senesi açılğan edi. Ofis Aqmescit ş., Sevastopolkya, 4 adresi boyunca yerleşmekte.