14 iyün künü içtimaiy- iqtisadiy ve siyasiy araştırmalar halqara Fondu( Gorbaçöv-fond) Vodro Vilson adına Halqara ilmiy merkeziniñ Kennan İstitutı tarafından teşkil etilgen ‘Global dünyada medeniy çeşitligi’ programması çerçivesinde birinci seminar keçirildi.
Seminarda, siyasiy ilimler namzeti, professor Emil Pain, felsefe ilimler doktoru, Olga Zdravomıslova, tarih ilimler doktorı Leokadiya Drobijeva, psihologik ilimler doktorı Galina Soldatova kibi belli rusiye alimleri iştirak ettiler.
İlmiy-ameliy seminarda iştirak etmek içün Qırımdan tarihçi, etnosiyasetçi Gulnara Bekirova, jurnalist Vladimir Pritula davet etildiler. Olar ‘Qırım-siyasiy dialogı’ leyhası aqqında ve medeniyetlerara dialog qurulmasınıñ tecribesi aqqında ikãye ettiler.
İştirakçilerniñ çıqışlarında ayrı memleketler misalinde medeniyetlerara munasebetlerniñ yañı modeller şekillenmesiniñ imkãnları talil etildi. Mültikulturalizm siyasetine dair naziriye yanaşuvları, olarnıñ küçlü ve zayıf tarafları, medeniyetara dialog qurulmasınıñ ameliy tecribe ve bu saada ileri ğayeler baqıldı.