Refat Çubarov ve Vasiliy Cartı ‘samozahvatlar’nı(topraqlarnı aluv) muzakere ettiler

11.05.20160:19

20 yanvar künü QMC nazirler Şurasında Bütünqırım qırımtatar kongressiniñ prezidenti, Meclis reisiniñ birinci muavini Refat Çubarov QMC Nazirler şurasınıñ reisi Vasiliy Cartı ile körüşti.

Sübet devamında Vasiliy Cartı ve Refat Çubarov vatanına qaytqan qırımtatarlarınıñ abadanlaşuv meselelerini muzakere ettiler. Sübetdeşler biri-birine ağımdaki sene Borçoqraq qasabasında mektep binasını, Aqmescitte 180 kvartirli evini bitirmek ve yavaş-yavaş vatandaşlarnı topraq ile temin etüv meselelerine yardım ete bilecek teklifler ile paylaştılar.

Vasiliy Cartı memleketniñ devlet bücetinde repatriatlarnıñ abadanlaşuvına ğayet az sermiya ayırğanını qayd etip, Maliye Nazirligi içün Qırımğa ayırılmaq planlaştırılğan sermiyasınıñ bir qısmını vatanğa qaytqanlarınıñ abadanlaşuvı içün sebeplerni esaslamağa tevsiye etti.

Topraq meselesine kelgende, Cartı bu problemni küçsiz çezilecegini işandırdı. Cartı bir taraftan topraqqa muhtac olğanlarnı temin etmek, diger taraftan şeerni inkişaf imkãnlarınen temin etmege yol açqan bir qararnı almağa mümkün olğanına emin. Refat Çubarov evelki İş Komissiyalarınıñ faaliyetine esaslanaraq er bir massiv ve insan boyunca topraq meselesinen bağlı qarar almalı. ‘Eminim ki, biz problemleri çoq olmağan qasabalarda topraqlarnı ayırmağa başlasaq, soñra ise adım -adım problemli qasabalarğa keçsek, bir qaç sualler öz -özünden çezilir, çeşit milletlerge ait insanlar ise akimiyet tarafından imaye etilgenlerini duyarlar.’-dep qayd etti Refat Çubarov.

Qırım Nazirler şurasınıñ reisi Vasiliy Cartı ise böyle yanaşuv ile razı olıp, ayrı qasabalar boyunca tekliflerni baqqanda, akimiyet alternativ yollarını, meselã bir ve çoqqatşlı evlerni qurmasını teklif ete bilir.

Sübet devamında Cuma Cami qurulacaq Yaltinskya,22 adresi boyunca yerleşken topraq üzerinde de laf yürsetildi. Çubarov şunı qayd etti ki, Aqmescit akimiyetiniñ haqsız areketleri bir çoq mahkeme qararlarınen tasdiqlanıldı, amma em şeer başı , em şeer şurası Ukraina mahkemeleriniñ çalışmağa başlağan bu qararnı açıqtan közden qaçıralar.

Şunı hatırlatmaq ister edik ki, bu aftanıñ başında QMC Nazirler Şurasınıñ reisi Qırımtatar Meclis reisi Mustafa Cemilevge açıq mektüp ile muracaat etip, akimyetke qırımtatarlar ile alınğan topraqlarnı boşatmasında yardım etmege rica etti, yoqsa fizik küç işletilecek.

Refat Çubarov: ‘Cemiyetniñ akimiyetke işançlığı insan haqlarına riayet etilmesinen temin etile.’

Qırımtatar Meclisinde Mustafa Cemilevniñ adına QMC Nazirler Şurasınıñ reisi Vasiliy Cartıdan mektüp alındı. Qırımtatar Meclis ve Qurultayınıñ topraq meselesine dair bütün resmiy vesiqalarğa nazar taşlasaq, mevamımız Qırımda topraq meselesiniñ çezilmesinde tek bir effektiv yol-akimiyet tarafından Ukraina vatandaşlarını topraq saibı olmaq haqqı ile temin etilmesine esaslana.

 

Lãkin, akimiyetniñ vatandaşlarğa topraq ayıruv meselesinde Qırımda amelge keçirilgen saylav yanaşuvı haqsızdır.

Topraqlar ile vaziyet akimiyet tarafından haqsız sayılsa, böyle alda başta çeşit millet insanlarnı evlerini qurmaq içün topraqlarnı zapt etmege ne mecbur etkenini añlamaq kerek.

Fikrimizce, bu sebepler er keske belli ve açıqtır- memurlarnıñ özcesine idaresi ve akimiyet organlarında kütleviy korruptsıya.

Bu yerde tek bir misal yeterli olur- Aqmescitte Cuma Cami qurulması içün topraq ayırılması etrafındaki vaziyet.

Diger allarda kibi, bu yerde haqsızlıqqa tek akimiyet tarafından yol berilgen. Evelden Yaltinskaya, 22 adresi boyunca Cuma Cami qurulması içün topraq ayırılması aqqında Aqmescit şeer şurası tarafından qabul olunğan qarar deputatlarnıñ yañı terkibi tarafından lãğu etildi.

Aqmescit akimiyetiniñ haqsız areketleri bir çoq mahkeme qararlarınen tasdiqlanıldı, amma em şeer başı , em şeer şurası Ukraina mahkemeleriniñ çalışmağa başlağan bu qararnı açıqtan közden qaçıralar.

Ukraina vatandaşları tarafından topraqlarnı aluv meselesine qaytır ekenmiz, tekrar akimiyet ve Qırım cemaatçılığınıñ diqqatını bütün problemli vaziyetler boyunca açıq ve haqlı dialog zarurlığına çekemiz.

Bunıñ içün muzakerelerde, akimiyet kabinetlerinde cemaatçılıq vekilleri ve yerli şuralarnıñ rütbeli insanları ile ve KHV iştiragı ile er bir massiv boyunca işni ayrı baqıp çıqmaq, qabul olunğan qararlarını ise cemaatçılıqqa bildirmekni teklif etemiz.

Şunı da qoşmaq ister edim ki, keçken eki-üç yıl evel çeşit iş komissiyaları, şu cümleden, em Ukraina Nazirler Kabineti, em köy şuraları tarafından konkret teklifler işlenilgen edi. Mezkür tekliflerniñ amelge keçirilmesi topraq meselesinde yüz bergen vaziyetni çezmege yardım eter edi.